Oasen midt i Stryn
Etter ein dag med aktivitet og storslått natur er det tid for å nyte, og det gjer du best i den spanande og innbydande bakgarden vår, lokalisert midt i Stryn sentrum. Her finn du både innerom og uterom tilrettelagt for aktivitet, nydeleg mat, avslapping, god musikk og sosialt samvære.
Her finn du mellom anna:
✔ Badestamp
✔ Utedusj
✔ Stor badstu
✔ Pizzaovn
✔ Grill og utelounge
✔ Bålplass
✔ Trehytte med skybar
✔ Klinebu
✔ Festlokale
✔ Storskjerm
✔ Møterom og konferanse
✔ Bar
✔ Opplegg for trubadurar og musikalske gjestar
✔ Mykje, mykje anna
Folka
Velkomen til Lodgen – ein base for aktivitetsbaserte opplevingar i Stryn, året rundt.
Vi er Svein og Heidi, folka bak Lodgen Stryn. I 2019 kom vi flyttande frå Oslo med familien vår, etter at Svein (som opphavleg er frå Stryn) kjøpte villaen som no går under namnet Lodgen. I Oslo jobba Heidi som ernæringsfysiolog for Olympiatoppen, og Svein var leiar på sin eigen friluftsbaserte skulefritidsordning for born. Vi har med andre ord alltid vore engasjerte i å gje andre ein auka livskvalitet gjennom sunne og gode aktivitetar.
Vi har stor lyst til å ta deg med ut på tur, uansett kva form du er i! Det viktigaste er at du er motivert til å gi naturen ein sjanse, og at du testar ut eventyra som Stryn og Nordfjord har å by på.
Vårt største ønskje er å vise fram den storslåtte naturen i Stryn og Nordfjord til både deg som bur her og deg som kjem på besøk.
-
Villaen og leilegheitene
Stryn sin einaste aktivitetsvilla, med 6 dobbeltrom og eit 3-personsrom. Her er det sjarm og ei kjensle av ærverdig nostalgi i veggane. Villaen er frå 1903 og var då Stryn sin første landhandel.
-
Låven
Tilbring natta i den største låven i Stryn sentrum. Her har vi 5 dobbeltrom og 2 familierom for inntil 3 personar. I låven finn du også festlokale, konferanserom, storskjerm, lounger og mykje anna moro.
-
Uteområdet
Bakgården vår har vi brukt mykje tid på å gjere akkurat slik vi vil ha han sjølv. Her finn du badestamp, badstu og dusjar, trehytte høgt oppe i lufta, grill og loungeområde, bålplass og mykje meir.